ராமநாதபுரம் மாவட்டம், ராமேஸ்வரத்தில்  தொடர் மழையால் பாதிக்கப்பட்ட கடலோர பகுதிகளில் உள்ள குடியிருப்பு பகுதிகளை ராமநாதபுரம் மாவட்ட ஆட்சித்தலைவர் சிம்ரன்ஜீத் சிங் காலோன் முன்னிலையில் மாவட்ட கணிப்பாய்வு அலுவலரும், அயலகத் தமிழர் நலன் , மறுவாழ்வுத்துறை ஆணையர் டாக்டர் மா.வள்ளலார் பார்வையிட்டு ஆய்வு செய்தார்.

மாவட்ட கணிப்பாய்வு அலுவலர் , அயலகத் தமிழர் நலன் , மறுவாழ்வுத்துறை ஆணையர் டாக்டர் மா.வள்ளலார் பாம்பன் கடற்கரை பகுதிகளில் உள்ள தோப்புக்காடு, தெற்குவாடி , தனுஷ்கோடி பகுதிகளுக்கு சென்று கடற்கரை ஓரமாக உள்ள குடியிருப்பு பகுதிகளில் தொடர் மழையால், மழைநீர் தேங்கி உள்ளதை அகற்றும் பணி நடைபெற்று வருவதை பார்வையிட்டதுடன். மேலும் தாழ்வான பகுதியில் உள்ள பொதுமக்கள் பாதுகாப்பான இடத்தில் தங்க வைக்க தேவையான ஏற்பாடுகள் செய்யப்பட்டுள்ளது. சூழ்நிலை ஏற்ப பகுதியில் வசித்து வரும் குடியிருப்பு மக்கள் பாதுகாப்பான இடத்திற்கு வந்திடுமாறு அறிவுறுத்தினார்.

தொடர்ந்து, ராமநாதபுரம் மாவட்ட ஆட்சித்தலைவர் சிம்ரன்ஜித் சிங் காலோன்
ராமேஸ்வரம் தீவு பகுதியில் கடந்த 2 நாட்களாக அதிகளவு காற்றுடன் கூடிய மழை பெய்து வருகிறது. மழை அளவு குறைவாக இருந்தாலும் காற்றின் வேகம் சற்று அதிகமாகவுள்ளது. அதனால் கடந்த 3 நாட்களாக மீனவர்கள் மீன்பிடிக்க செல்ல அனுமதி வழங்கவில்லை. நாட்டுப் படகு மீனவர்கள் கடலுக்கு சென்று இருந்தாலும் அவர்களை மீண்டும் கரைக்கு வரவழைக்கபட்டது.

அதே போல் ராமேஸ்வரம் தீவு கடற்கரை தாழ்வான குடியிருப்பு பகுதியில் உள்ள வீடுகளில் கடல்நீர்  , மழைநி தேங்கி பாதிப்பு ஏற்படாத வகையில் கண்காணிக்கப்பட்டு வருகிறது. தேவையான பட்சத்தில் தாழ்வான பகுதியில் வசித்து வரும் மக்களை அழைத்து பாதுகாப்பான இடத்தில் தங்க வைத்திட ஏதுவாக வட்டாட்சியர் , வட்டார வளர்ச்சி அலுவலர் போதிய முன்னேற்பாடுகள் மேற்கொண்டு சமுதாயக்கூடம், பள்ளிக்கூடம், திருமண மண்டபம் போன்றவை தயார் நிலையில் வைக்கப் பட்டுள்ளது.

பொதுமக்கள் , சுற்றுலா பயணிகளுக்கு அன்பான வேண்டுகோள் : ராமேஸ்வரம் தீவு பகுதியில் காற்றின் வேகம் அதிகமாக உள்ளதாலும் அவ்வப்போது மழை பெய்து வருவதாலும் பொதுமக்கள் தேவையின்றி வெளியில் வருவதை தவிர்த்து பாதுகாப்புடன் இருந்திட வேண்டும். அதே போல் சுற்றுலா பயணிகளுக்கும் தனுஷ்கோடி உள்ளிட்ட கடற்கரை பகுதிகளில் அதிக காற்று , மழை பெய்து வருவதையொட்டி தற்காலிகமாக செல்ல அனுமதி மறுக்கப்பட்டுள்ளது. சுற்றுலா பயணிகள் ஒத்துழைப்பு கொடுத்தி வேண்டும். மேலும்  , தொடர் மழையை கருத்தில் கொண்டு மாவட்டத்தில் போதிய முன்னேற்பாடு பணிகள் தயார் நிலையில் உள்ளது என ராமநாதபுரம் மாவட்ட ஆட்சித்தலைவர் சிப்ரன்ஜீத் சிங் காலோன் தெரிவித்தார்.

தொடர்ந்து , தனுஷ்கோடி கடற்கரை பகுதிகளில் வசித்த 25- க்கும் மேற்பட்ட குடும்பங்களை சேர்ந்த மக்களை கரையூர் அரசு உயர்நிலைப் பள்ளி கட்டத்தில் தங்க வைக்கப்பட்டிருந்ததை மாவட்ட கணிப்பாய்வு அலுவலர் , அயலகத் தமிழர் நலன் , மறுவாழ்வுத்துறை ஆணையர் டாக்டர் மா.வள்ளலார், ராமநாதபுரம் மாவட்ட ஆட்சித்தலைவர் சிம்ரன்ஜித் சிங் காலோன் ஆகியோர் பார்வையிட்டு அவர்களுக்கு தேவையான வாதிகள் வழங்கப்பட்டு வருவதை கேட்டறிந்தனர்.

ஆய்வில்  , வளர்ச்சி கூடுதல் ஆட்சியர் திவ்யாஷீகம் , ராமேஸ்வரம் நகர் மன்றத்தலைவர் நாசர்கான் , ராமேஸ்வரம் நகராட்சி பொறியாளர் பாண்டிஸ்வரி , வட்டாட்சியர்கள் தஜெபர் முகமது , முரளிதரன். வட்டார வளர்ச்சி அலுவலர் ஜெயமுருகன் , செய்தி - மக்கள் தொடர்பு மாவட்ட அலுவலர் லெ.பாண்டி , உதவி அலுவலர் நா.விஜயகுமார் உள்பட  அரசு அலுவலர்கள்  கலந்து கொண்டனர்.

மாமுஜெயக்குமார்.
மாவட்ட செய்தியாளர்.