advertisement

டெல்லி கார் வெடிப்பு சம்பவம்: பலி எண்ணிக்கை 12 ஆக உயர்வு

நவ. 11, 2025 7:18 முற்பகல் |

 

டெல்லி செங்கோட்டை மெட்ரோ ரெயில் நிலையம் அருகே நேற்று (10-11-2025) மாலை ஒரு கார் திடீரென பயங்கர சத்தத்துடன் வெடித்து சிதறி, தீப்பிழம்பாக மாறியது. இதில் அருகில் இருந்த 4 மோட்டார் சைக்கிள்கள் மற்றும் வாகனங்களும் தீப்பிடித்து எரிந்தன. எதிர்பாராத இந்த சம்பவத்தால் அந்த பகுதியில் நின்றிருந்தவர்களும், சாலையில் சென்றவர்களும் அதிர்ச்சி அடைந்தனர். இந்த பயங்கர சம்பவத்தில் 10 பேர் உடல் சிதறி பலியாகினர். மேலும் 20-க்கும் மேற்பட்டோர் பேர் பலத்த காயம் அடைந்தனர்.  

இந்த நிலையில், டெல்லி கார் வெடிப்பு சம்பவத்தில் காயமடைந்து மருத்துவமனையில் சிகிச்சை பெற்று வந்த மேலும் 2 பேர் உயிரிழந்துள்ளனர். இதன்மூலம் பலி எண்ணிக்கை 12 ஆக உயர்ந்துள்ளது. தலைநகர் முழுவதும் காவல்துறையினர் பல்வேறு இடங்களில் தீவிர சோதனை நடத்தி வருகின்றன. விமான நிலையம், ரெயில் நிலையங்கள் மற்றும் பேருந்து முனையங்களில் கடுமையான பாதுகாப்பு போடப்பட்டுள்ளது.

கருத்துக்கள்

கருத்துக்கள் வரவேற்கப்படுகிறது. மேலும் அநாகரிக மற்றும் பிறர் மனத்தை மனதை புண்படுத்தகூடிய கருத்துகளை தவிர்க்கவும்
advertisement
advertisement