பரமக்குடி அரசு கலைக் கல்லூரியில் ராமநாதபுரம் மாவட்ட அளவிலான மாபெரும் கல்விக்கடன் வழங்கும் விழாவில் 125 மாணவர்,மாணவிகளுக்கு ரூ.1.84 கோடிக்கான கல்விக்கடன் உதவிகளை ராமநாதபுரம் மாவட்ட ஆட்சித் தலைவர் சிம்ரன்ஜீத் சிங் காலோன் வழங்கினார் .

ராமநாதபுரம் மாவட்டம், பரமக்குடி அரசு கலைக் கல்லூரியில், ராமநாதபுரம் மாவட்ட முன்னோடி வங்கியின் மூலம் மாணவர் - மாணவியர்களுக்கான மாபெரும் கல்விக்கடன் வழங்கும் விழா நிகழ்ச்சி நடைபெற்றது.    நிகழ்ச்சிக்கு, ராமநாதபுரம் மாவட்ட ஆட்சித்தலைவர் சிம்ரன்ஜீத் சிங் காலோன் தலைமையேற்று மாணவர் - மாணவியர்களுக்கு கல்விக்கடன் வழங்கியும்,மேலும் மாணவர் - மாணவியர்களிடம் மனுக்கள் பெற்று தெரிவித்ததாவது :கல்விக்கடன் திட்டத்தின் நோக்கம் ஒவ்வொரு மாணவர், மாணவியர்களும் தங்களது இலட்சியத்தை நிறைவேற்றும் வகையில் உயர்க்கல்விபெற கல்விக்கடன் உதவிகளை பெற்று பயன்பெறவேண்டும் என்ற வகையில் வங்கிகள் மூலம் இத்திட்டம் செயல்படுத்தப்பட்டு வருகிறது.

ராமநாதபுரம் மாவட்டத்தில் கடந்த ஆண்டு ரூ.20 கோடி கல்விக் கடனாக மாணவர், மாணவியர்களுக்கு வழங்கப்பட்டுள்ளது. அதே போல் நடப்பாண்டில் 27 முகாம்கள் பல்வேறு கல்லூரிகளில் நடத்தப்பட்டு இதுவரை 683 மாணவர், மாணவியர்களுக்கு ரூ.16.27 கோடி கல்விக்கடன் உதவிகள் வழங்கப்பட்டுள்ளது. 

இந்நிகழ்ச்சியில் ,125 மாணவர், மாணவிகளுக்கு ரூ.1.84 கோடி கல்விக்கடன் வழங்கப்படுகிறது. இதுபோல் மாணவர் - மாணவியர்கள் கடனுதவி பெற சிறப்பு முகாம்கள் கல்லூரிகள் அளவில் நடத்தப்பட்டு உயர்க்கல்விக்கு ஏற்ப கல்விக்கடன் வழங்கப்படுகிறது. இது மட்டுமின்றி மாணவர், மாணவியர்களின் விருப்பத்திற்கேற்ப கல்லூரிகளுக்கே வங்கி அலுவலர்கள் வரவழைக்கப்பட்டு சிறப்பு முகாம் நடத்தப்படுகிறது. கல்லூரி நிர்வாகங்கள் இதுபோன்ற வாய்ப்புகளை பயன்படுத்தி மாணவர், மாணவியர்கள் கல்விக்கடன் உதவிகள் பெற்று பயன்பெற உறுதுணையாக இருந்திடவேண்டும்.  மேலும், மாணவர், மாணவியர்கள் தங்கள் இலட்சிய கனவை நிறைவேற்றிட இதுபோன்ற திட்டங்கள் மிக பயனுள்ளதாக இருக்கும். எனவே மாணவர், மாணவியர்கள் கல்விக் கடன் திட்ட உதவிகளை பெற்று உயர்க்கல்வி வரை படித்து பயன்பெற்றிட வேண்டுமென ராமநாதபுரம் மாவட்ட ஆட்சித்தலைவர் சிம்ரன்ஜீத் சிங் காலோன் தெரிவித்தார். தொடர்ந்து, ராமநாதபுரம் மாவட்ட ஆட்சித்தலைவர் சிம்ரன்ஜீத் சிங் காலோன் மாணவர், மாணவியர்களுக்கு கல்விக்கடன் உதவிகளுக்கான காசோலையினை வழங்கினார்.

நிகழ்ச்சியில் , பரமக்குடி வருவாய் கோட்டாட்சியர் ஞா.சரவண பெருமாள் , மாவட்ட முன்னோடி வங்கி மேலாளர் கார்த்திக்கேயன், கல்லூரி முதல்வர் இராஜா , உதவி மேலாளர் அசோக் , அனைத்து வங்கிகளை சார்ந்த மேலாளர்கள் , செய்தி - மக்கள் தொடர்பு மாவட்ட அலுவலர் லெ.பாண்டி , உதவி அலுவலர் நா.விஜயகுமார் உள்பட கல்லூரி பேராசிரிய பெருமக்கள், மாணவர் - மாணவியர்கள், அரசு அலுவலர்கள்  கலந்து கொண்டனர் .

மாமுஜெயக்குமார்.
மாவட்ட செய்தியாளர்.