தவெகவில் ஜனநாயகம் உள்ளது. அதிமுகவில் மனிதநேயம் கூட இல்லை என்று செங்கோட்டையன் தெரிவித்துள்ளார். 

தவெகவில் இணைந்த முன்னாள் அமைச்சர் செங்கோட்டையன், அக்கட்சியில் இணைந்த பிறகு  முதன்முறையாக கோபிச்செட்டிபாளையம் சென்றார். அங்கு அவருக்கு தவெக தொண்டர்கள், நிர்வாகிகள் திரண்டு வந்து பிரம்மாண்ட வரவேற்பு கொடுத்தனர். அவருக்கு சால்வை போத்தியும், மாலை அணிவித்தும் உற்சாகமான வரவேற்பு கொடுத்தனர். 

பின்பு தவெக தொண்டர்கள் அலைக்கு மத்தியில் பேசிய செங்கோட்டையன் அதிமுக பொதுச்செயலாளர் எடப்பாடி பழனிசாமியை நேரடியாக அட்டாக் செய்தார். இது தொடர்பாக பேசிய அவர், ''ஏன் ஜெயலலிதா படத்தை பாக்கெட்டில் வைத்துளீர்கள் என்று பத்திரிகை நண்பர்கள் கேட்டார்கள். தவெகவில் ஜனநாயகம் உள்ளது. தவெகவில் யார் படத்தை வைத்தாலும் அதை அவர்களை அரவணைத்து செல்பவர் தான் விஜய். காலை இழுத்து விடுபவர் நாளை இங்கு வரப்போகிறார். 

வருபவருக்கு நான் என்ன செய்தேன் என்பது மக்களுக்கு தெரியும். அவரை பொதுச்செயலாளராக முன்மொழிந்தேன். முதலமைச்சராக முன்மொழிந்தேன். எனக்கு வருகிற வாய்ப்பை அவரை ஏற்றுக்கொள்ள சொன்னவன் நான். ஆனால் மனித நேயம் அங்கே இல்லை. சமத்துவம் அங்கே இல்லை. 50 ஆண்டுகால அரசியல் வரலாற்றில் நான் உழைத்த உழைப்பு அனைவருக்கும் தெரியும். ஆனால் நான் சாதாரண தொண்டனாக கூட இருக்கக் கூடாது என்று உறுப்பினர் பொறுப்பை எடுத்தார்.