கள்ளக்குறிச்சி மாவட்டம் சின்னசேலம் என்கேம் தெருவில் வசித்து வருபவர் பார்த்திபன்.இவர் திரைப்படத்துறையில் இயக்குனராக பணியாற்றி வருகிறார்.இவர் வீட்டில் அதிகாலை வேளையில் விளக்கேற்றி சாமி கும்பிடுவதை வழக்கமாக வைத்திருந்தார்.சம்பவத்தன்றும் பூஜை அறையில் அகல் விளக்கேற்றி வைத்து சாமி கும்பிட்டு இருக்கிறார்.அதன் பிறகு கும்பகோணத்தில் நடைபெறும் பாஜக மாநாட்டிற்கு புறட்பட்டு சென்று விட்டார்.வீட்டில் இருந்த தன் மனைவியிடம் பூஜை அறையில் தீபம் எரிகிறது.பார்த்து அணைத்துவிடு என்று சொல்லிவிட்டு சென்றாராம்.இதற்கிடையே எதிர்பாரத விதமாக அகல் விளக்கு கீழே விழுந்து  அருகில் இருந்த துணி மேல் பற்றி அறை முழுவதும் தீ பரவியுள்ளது.பதறிப்போய் தீயை அணைக்க பார்த்திபன் மனைவி முயற்சி செய்துள்ளார்.

இதில் நெற்றிக்கு அருகில் தீக்காயம் ஏற்பட்டுள்ளது.தகவல் அறிந்த அக்கம்பக்கத்தினர் விரைந்து வந்து தீக்காயம் அடைந்த பார்த்திபன் மனைவியை மீட்டு முதலுதவி சிகிச்சை அளித்தனர்.மேலும் அறையில் பற்றிய தீயை அணைத்தனர்.அறையில் இருந்த பொருட்கள் அனைத்தும் தீயில் கருகி சேதமடைந்தது.இச்சம்பவம் அப்பகுதியில் பெரும் பரபரப்பை ஏற்படுத்தி இருக்கிறது.