தூத்துக்குடி வ.உ.சி. துறைமுகத்தில் அம்புஜா சிமெண்ட் நிறுவனத்துடன் மேற்கொண்ட புரிந்துணர்வு ஒப்பந்தத்தின் அடிப்படையில் வருகை தந்த முதல் கிளிங்கர் கப்பலுக்கு வரவேற்பு அளிக்கப்பட்டது.

தூத்துக்குடி வ.உ.சி. துறைமுகம்; 19.11.2025 அன்று குஜராத்தைச் சேர்ந்த அம்புஜா சிமெண்ட் லிமிடெட்டுடன் கையெழுத்திட்ட புரிந்துணர்வு ஒப்பந்தத்தின் படி, முதல் கிளிங்கர் சரக்கை பெற்றுள்ளது.  குறைந்தபட்ச உத்தரவாத சரக்கு திட்டத்தின்படி அமைந்துள்ள இந்த ஒப்பந்தத்தில், வருடத்திற்கு 2,50,000 மெட்ரிக் டன் கிளிங்கர் உள்நாட்டு சரக்கு போக்குவரத்தின் மூலம் கொண்டுவரப்படும் என்று உறுதி வழங்கப்பட்டது. 

இந்த ஒப்பந்தத்தின் ஒரு பகுதியாக, 24.11.2025 அன்று, வடக்கு சரக்குத்தளம்-2 கப்பல் தளத்தில் முதன் முதலாக Lima Trader என்ற கப்பல் மூலமாக கிளிங்கர் சரக்கு வந்தடைந்தது. குஜராத்திலுள்ள  சாங்கி துறைமுகத்திலிருந்து 56,440 மெட்ரிக் டன் கிளிங்கர் இந்த கப்பல் மூலமாகக் கொண்டு வரப்பட்டது. 13.1 மீட்டர் மிதவை ஆழம் கொண்ட இந்தக் கப்பலுக்கு Seaport Logistics கப்பல் முகவராகவும், சரக்குக் கையாளுநராகவும் (ளுவநஎநனழசந) செயல்பட்டன.

இந்த கிளிங்கர் சரக்கு, துறைமுகத்திலிருந்து சுமார் 23.8 கிலோ மீட்டர் தூரத்தில் அமைந்துள்ள மேல அரசடி, பகுதியில் உள்ள அம்புஜா சிமெண்ட் நிறுவனத்தின் அரவை நிலையதிற்கு லாரிகள் மூலம் எடுத்துச் செல்லப்பட்டு, சிமெண்டு உற்பத்திற்க்கான செயலாக்கம் மேற்கொள்ளபடுகிறது. 

இந்த நிகழ்வைக் குறித்து  வ.உ.சி.துறைமுகத்தலைவர்   சுசாந்த குமார் புரோஹித், கூறுகையில், இந்த வரலாற்றுச் சரக்கு இறக்கம், நிலையான மற்றும் செலவு குறைவான உள்நாட்டு கப்பல் போக்குவரத்தை மேம்படுத்துவதில் ஒரு முக்கிய முன்னேற்றமாக அமைந்துள்ளது. இது இந்திய அரசின் உள்நாட்டு கப்பல் போக்குவரத்தை ஊக்குவிக்கும் திட்டத்துடன் இசைந்து அமைந்துள்ளதாகக் குறிப்பிட்டார்