கோவை ஶ்ரீ ராமகிருஷ்ணா கலை, அறிவியல் கல்லூரியில், ஜம்புத்தீவு பிரகடன நினைவு நாளை முன்னிட்டு மருது சகோதரர்களின் திருவுருவப் படத்திற்கு மலர்கள் தூவி மரியாதை செலுத்தும் நிகழ்ச்சி நடைபெற்றது. 

விழாவிற்கு, கல்லூரி முதல்வர் - செயலர், முனைவர் பி.எல்.சிவக்குமார்  தலைமை தாங்கி, ஜம்புத்தீவு பிரகடன நினைவு நாள் குறித்து விளக்கமாக பேசியதாவது :   இந்திய சுதந்திரப் போர் என. வரலாற்றில் குறிப்பிடப்படும் சிப்பாய் கலகத்துக்கு (1857ஆம் ஆண்டுக்கு) முன்பாகவே தமிழகத்தில் ஆங்கிலேயர்களுக்கு எதிராகப் பல்வேறு போராட்டங்கள் நடத்தப்பட்டுள்ளன. அதில் மருதுபாண்டியர்களின் போராட்டம் குறிப்பிடத்தக்கது.
1801-ம் ஆண்டு ஜூன் 16-ம் தேதி ஆங்கிலேயர்களுக்கு எதிராக சாதி, மத, பேதமின்றி அனைத்து மக்களையும், சிற்றரசர்களையும் ஒருங்கிணைக்கும் வகையில் இந்தியத் துணைக்கண்டம் முழுவதற்கும் விடுதலை வேண்டி திருச்சி மலைக்கோட்டை , ஸ்ரீரங்கம் கோயில் சுவர்களில் எழுத்துபூர்வமாக ஜம்புத்தீவு பிரகடன் என்ற வரலாற்றுச் சிறப்புமிக்க போர் பிரகடனத்தை வெளியிட்டனர். இந்தப் பிரகடனம் ஆங்கிலேயரிடத்தில் ஏற்படுத்திய அச்சத்தின் விளைவாகவே அதே ஆண்டில் அக்.24-ம் தேதி மருது சகோதரர்களையும், அவரது குடும்பத்தினர். உள்ளிட்ட 500-க்கும் மேற்பட்டோரையும் தூக்கிலிட்டனர்.

ஜம்புத்தீவு பிரகடனம் வெளியிட்ட மருதுபாண்டியர்களுக்கு உரிய மரியாதை செலுத்தும் வகையிலும், அடுத்து வரக்கூடிய இளம் தலைமுறையினர் இந்த வரலாற்றை அறிந்துகொள்ளும் வகையிலும் இந்நிகழ்ச்சி அமைந்திருந்தது. 200க்கும் மேற்பட்ட மாணவர் - மாணவியர்கள் கலந்து கொண்ட இவ்விழாவில் கல்லூரியின் நாட்டுநலப் பணித்திட்ட அலுவலர்கள் முனைவர். பிரகதீஸ்வரன், முனைவர் நாகராஜ், பேராசிரியை சுபாஷினி, பேராசிரியர் பிரவீன் ஆகியோர் கலந்து கொண்டனர்.

மாமுஜெயக்குமார்.
சிறப்பு செய்தியாளர்.
.