ராமநாதபுரம் மாவட்டத்தில் உங்களுடன் ஸ்டாலின் திட்டத்தின் கீழ் நடைபெறும் இடங்கள் குறித்து ராமநாதபுரம் மாவட்ட ஆட்சித் தலைவர் சிம்ரன்ஜீத் சிங் காலோன் தகவல் தெரிவித்துள்ளார் .

ராமநாதபுரம் மாவட்ட ஆட்சித்தலைவர் சிம்ரன்ஜித் சிங் காலோன்  செய்திக் குறிப்பில் தெரிவித்துள்ளதாவது :ராமநாதபுரம் மாவட்டத்தில் உங்களுடன் ஸ்டாலின் திட்டத்தின் கீழ் முகாம்கள் 15.07.2025 முதல் 30.09.2025 வரை நடைபெறவுள்ளது. நகர்ப்புறம், ஊராட்சி , பேரூராட்சிகளில் முகாம்கள் நடைபெறவுள்ளது. நகர்ப்புறங்களில் 13 அரசு துறைகளின் 43 சேவைகளும், ஊரகப்பகுதிகளில் 15 அரசு துறைகளில் 46 அரசு சேவைகளும் வழங்குவதற்கு ஏதுவாக முகாம்கள் நடைபெற உள்ளது. 

மேலும், இந்த முகாம்களில் கலைஞர் மகளிர் உரிமைத்தொகை பெற தகுதியுள்ள விடுபட்ட மகளிர் எவரேனும் இருப்பின் முகாம் நடைபெறும் நாளன்று தங்கள் விண்ணப்பத்தினை அளிக்கலாம். இதற்கான விண்ணப்பங்கள் "உங்களுடன் எஸ்டாலின்" திட்ட முகாம்களில் மட்டுமே வழங்கப்படும். இம்முகாம்களில் பெறப்படும் விண்ணப்பங்கள் மீது 45 நாட்களில் உரிய நடடிவக்கை மேற்கொள்ளப்படும். இத்திட்டம் குறித்த விபரங்களை பொதுமக்களுக்கு முறையாக தெரிவிப்பதற்காக "உங்களுடன் ஸ்டாலின்" திட்டத்தின் கீழ் தன்னார்வலர்கள் மூலம் வீடுவீடாக சென்று விண்ணப்பம் , தகவல் கையேடு வழங்கும் பணி கடந்த 08.07.2025 முதல் நடைபெற்று வருகிறது.

ராமநாதபுரம், மாவட்டத்தில் 15.07.2025 அன்று "உங்களுடன் ஸ்டாலின்" திட்ட முகாம் ராமநாதபுரம் நகராட்சியில் வார்டு எண்: 28,29,30 வசிக்கும் மக்களுக்கு கீரைக்காரத்தெருவிலுள்ள காதர் டீலக்ஸ் மஹாலிலும், அபிராமம் பேரூராட்சியில் அகத்தாரிருப்பு சமுதாய கூடத்திலும்,
பரமக்குடி ஊராட்சி ஒன்றியத்தில் பாம்பூர், கலையூர் , வெங்கிட்டான் குறிச்சி கிராமங்களுக்கு பாம்பூர் சமுதாய கூடத்திலும், திருவாடானை ஊராட்சி ஒன்றியத்தில் அஞ்சு கோட்டை, குஞ்சங்குளம், திருவாடானை ஆகிய கிராமங்களுக்கு திருவாடானை இரட்டை அரு பங்களாவிலும்

கடலாடி ஊராட்சி ஒன்றியத்தில் வாலிநோக்கம், மாரியூர் கிராமங்களுக்கு மாரியூர் ஊராட்சி செயலக கட்டடத்திலும் , முதுகுளத்தூர் ஊராட்சி ஒன்றியத்தில் மேலக்கொடுமலூர், கீழக்கொடுமலூர், விக்கிரமபாண்டியபுரம் கிராமங்களுக்கு மேலக்கொடுமலூர் சமுதாய கூடத்திலும் முகாம்கள் நடைபெறுகிறது.

மேலும், ராமநாதபுரம் மாவட்டத்தில் "உங்களுடன் ஸ்டாலின்" திட்ட முகாம்கள் நடைபெறும் இடங்களின் விவரங்களை பொதுமக்கள் https://ramanathapuram.nic.in/ என்ற இணையதளத்தில் பார்வையிட்டு தெரிந்து கொள்ளலாம் என ராமநாதபுரம் மாவட்ட ஆட்சித்தலைவர் சிம்ரன்ஜீத் சிங் காலோன் செய்திக் குறிப்பில் தெரிவித்துள்ளார்.

மாமுஜெயக்குமார்.
மாவட்ட செய்தியாளர்.