பரமக்குடியில் உள்ளூர் படைப்பாளிகளை ஊக்கப்படுத்தும் விதமாக  நம்ம ஊரு 3-வது புத்தகத் திருவிழா ஜூன் 25 முதல் ஆகஸ்ட் 03 வரை நடைபெறுகிறது. 

 ராமநாதபுரம் மாவட்டம், பரமக்குடியில் உள்ளூர் படைப்பாளிகளை ஊக்கப்படுத்தும் விதமாக நம்ம ஊரு 3-வது புத்தகத் திருவிழா நடைபெற இருக்கிறது.  இது சம்மந்தமாக , புத்தகத் திருவிழா வரவேற்புக் குழுவினர் பரமக்குடி ராஜா மகாலில் ஆலோசனைக் கூட்டம், செய்தியாளர்கள் சந்திப்பு கூட்டம் நடத்தினர்.
ராமநாதபுரம் மாவட்டம், பரமக்குடி மக்கள் நூலகமும் , தமிழ்நாடு அறிவியல் இயக்கமும இணைந்து நடத்தும் நம்ம ஊரு மூன்றாவது புத்தகத் திருவிழா பரமக்குடி ராஜாமகாலில் ஜூலை 25 முதல் ஆகஸ்ட் 3 வரை நடைபெறுகிறது.   

ஆலோசனைக் கூட்டத்திற்கு , மக்கள் நூலக வரவேற்புக்குழுத் தலைவர் பெ.சேகர் தலைமை தாங்கினார். செயலாளர் சி.பசுமலை முன்னிலை வகித்தார். நிகழ்ச்சிகள் குறித்து மக்கள் நூலகத் தலைவர் செ.சந்தியாகு , தமிழ்நாடு அறிவியல் இயக்கத்தலைவர் கே.பி.இராமமூர்த்தி , வரவேற்புக்குழு துணைச்செயலாளர்  தி.ராஜா ஆகியோர் விரிவாக எடுத்துரைத்து பேசினர்.புத்தகத் திருவிழாவை முன்னிட்டு நாள்தோறும் உள்ளூர் படைப்பாளிகளை ஊக்கப்படுத்தும் விதமாக சிறப்புப் பேச்சாளர்கள், இன்னிசை பட்டிமன்றம் ஆகியன நடைபெற உள்ளன. எழுத்தாளர்களின் நூல் வெளியீட்டு விழா நடைபெற உள்ளது.நாள் தோறும் மாணவர் - மாணவியர்களின் கலை நிகழ்ச்சிகள் நடைபெறுகிறது. மாணவர் - மாணவியர்களுக்கான பேச்சுப் போட்டி , கவிதைப் போட்டி , கட்டுரைப் போட்டி முதலிய போட்டிகள் நடைபெற உள்ளன. மேலும் , புத்தகங்கள் வாசிப்பு , போதை ஒழிப்புக்காண விழிப்புணர்வு மினி மராத்தான் போட்டியும் நடைபெற உள்ளது. 

முன்னதாக, வரும் 25 - ந் தேதி (வெள்ளி) காலை 10.00 மணியளவில் நடைபெறும் நம்ம ஊரு  3-வது புத்தகத் திருவிழாவின் தொடக்க விழாவில், ராமநாதபுரம் மாவட்ட ஆட்சித் தலைவர் சிம்ரன்ஜீத் சிங் காலோன் கலந்து கொண்டு புத்தக அரங்கினை திறந்து வைத்து சிறப்புரையாற்ற உள்ளார். மாவட்ட காவல் கண்காணிப்பாளர் ஜி.சந்தீஷ் பரமக்குடி கிளை சிறைச்சாலைக்கு புத்தகங்கள் வழங்கி சிறப்புரையாற்ற உள்ளார்.புத்தகத் திருவிழா நடைபெறும் பத்து நாட்கள் நிகழ்ச்சிகளும் சிறப்பாக நடைபெற வரவேற்புக்குழுவினர் சிறப்பாக ஏற்பாடு செய்து வருகின்றனர்.

மாமுஜெயக்குமார்.
மாவட்ட செய்தியாளர்.