தூத்துக்குடியில் உங்களுடன் ஸ்டாலின் திட்டத்தின் கீழ் நடைபெற்று வரும் சிறப்பு முகாம்களை அமைச்சர் கீதாஜீவன் பார்வையிட்டு ஆய்வு செய்தார்.

அரசுத் துறைகளின் சேவைகளை பொதுமக்கள் ஒரே இடத்தில் பெற்று பயன்பெறும் வகையில் தமிழ்நாடு முதலமைச்சர் மு.க. ஸ்டாலின் சமீபத்தில் அறிவித்த உங்களுடன் ஸ்டாலின் திட்டத்தின் கீழ் தூத்துக்குடி மாநகரம் - 40, 46 மற்றும் 47 வது வார்டு பொதுமக்கள் பயன்பெறும் வகையில் சிறப்பு முகாம் காரப்பேட்டை ஆண்கள் மேல்நிலைப் பள்ளியில் நடைபெற்றது. முகாமை சமூக நலன் மற்றும் மகளிர் உரிமைத்துறை அமைச்சரும் தூத்துக்குடி வடக்கு மாவட்ட திமுக செயலாளருமான கீதாஜீவன் பார்வையிட்டு ஆய்வு செய்தார்.
இதில் பல்வேறு  துறைகளின் கீழ் மொத்தம் 1991 விண்ணப்ப மனுக்கள் பெறப்பட்டன. தமிழ்நாடு முதலமைச்சர் அறிவிப்பின்படி குறுகிய காலத்தில் விண்ணப்ப மனுக்கள் மீது நடவடிக்கை மேற்கொள்ளப்படும் என்று அமைச்சர் கீதாஜீவன் தெரிவித்தார்.

இந்நிகழ்வின்போது உடன் மாநகர திமுக செயலாளர் ஆனந்த சேகரன், மாவட்ட அவைத் தலைவர் செல்வராஜ், துணை மேயர் ஜெனிட்டா, மாமன்ற உறுப்பினர் ரெக்சிலின்,  உள்ளிட்டோர் கலந்து கொண்டனர்.