கர்நாடகத்தில் கமல்ஹாசனுக்கு எதிராக போராட்டங்கள் வலுத்து வரும் நிலையில் தமிழ்நாட்டிலும் கன்னட திரைப்படங்களை வெளியிட முடியாது என தமிழக வாழ்வுரிமைக் கட்சி எச்சரிக்கை விடுத்துள்ளது.
 
இயக்குநர் மணிரத்னம் இயக்கத்தில் கமலஹாசன் நடித்துள்ள படம் தக் லைஃப். இப்படம் ஜூலை 5 ஆம்தேதி வெளியாக உள்ள நிலையில் கடந்த சில தினங்களுக்கு முன் சென்னையில் இசைவெளியிட்டு விழா நடைபெற்று இருந்தது. இந்த நிகழ்ச்சியில் பேசிய கமலஹாசன் தமிழ் மொழியில் இருந்து பிறந்தது தான் கன்னடம் என்று தெரிவித்து இருந்தார். கமலஹாசனின் இந்த பேச்சுக்கு கர்நாடக மாநிலத்தில் கடும் எதிர்ப்பு தெரிவித்து பேனர்கள் கிழித்தும் சாலை மறியலில் ஈடுபட்டனர்.
 
மேலும் கர்நாடக மாநிலத்தில் கமல் படங்களை வெளியிட மாட்டோம் என்று கூறியிருந்தனர். மேலும் இந்த சம்பவத்திற்கு கமல் மன்னிப்பு கேட்க வேண்டும் என்று கூறியிருந்தனர். ஆனால் இதற்கு கமலஹாசன் மன்னிப்பு தெரிவித்து இருந்தார்.இந்த நிலையில் தமிழ்நாட்டிலும் கன்னட திரைப்படங்களை வெளியிட முடியாது என தமிழக வாழ்வுரிமைக் கட்சி எச்சரிக்கை விடுத்துள்ளது.இது குறித்து வேல்முருகன் வெள்யிட்டுள்ள அறிக்கையில் தமிழ் திரையுலகின் மாபெரும் கலைஞன் கமல்ஹாசன் நடிப்பில், மணிரத்னம் இயக்கத்தில் உருவான தக் லைஃப் என்கிற திரைப்படம் வருகிற ஜூன் 5 ஆம் தேதி திரைக்கு வருகிறது.

இதனால், திரைப்படம் வெளியிடுவதற்கான முன்னேற்பாடு பணிகளில் படக்குழு தீவிரமாக ஈடுபட்டு வருகிறது.அதன் அடிப்படையில், சமீபத்தில் நடந்து முடித்த படத்தின் இசை வெளியீட்டு விழாவில், கலந்துகொண்ட சிவராஜ்குமாருக்கு நன்றி தெரிவிக்கும் விதமாகப் பேசிய கமல்ஹாசன் அவர்கள், சிவராஜ்குமார் குடும்பத்தினர் என் குடும்பம் தான் என்றும் தமிழிலிருந்து வந்ததுதான் கன்னடம் என்றும் கூறியிருந்தார்.
 
கமல்ஹாசன் அவர்களின் இப்பேச்சுக்கு எதிர்ப்பு தெரிவித்து, கர்நாடகத்தில், காங்கிரஸ், பாஜக என்ற கட்சி வேறுபாடின்றி, அவர் நடித்துள்ள தக் லைஃப் திரைப்படத்தின் விளம்பர பதாகைகளை கிழித்து போராட்டத்தில் ஈடுபட்டு வருகின்றனர்.மேலும், கன்னட மொழி குறித்து கமல்ஹாசன் அவர்கள் மன்னிப்புக் கேட்க வேண்டும் என்றும் மன்னிப்புக் கேட்க விட்டால் திரைப்படம் வெளியாகாது என்றும் கன்னட அமைப்புகள் எச்சரிக்கை விடுத்திருக்கின்றனர்.
 
வடவரா - தமிழரா என்றால் வடவர் மேல் அன்பு செலுத்துவார்கள் கன்னடர்கள்; தமிழர்களைப் பகைவராகப் பார்ப்பார்கள்.தமிழா, சமற்கிருதமா என்றால், சமற்கிருதத்தை ஆதரிப்பார்கள் கன்னடர்கள்; தமிழை எதிர்ப்பார்கள். அதேபோல் இந்தியையும் ஆதரிப்பார்கள்.தமிழர் எதிர்ப்பு அரசியல்தான் கர்நாடகத்தின் பொதுவான அரசியல். இதன் நீட்சி தான் கமல்ஹாசன் அவர்களுக்கான எதிர்ப்பும்.தற்போது, கமல்ஹாசன் மன்னிப்புக் கேட்க வேண்டும் என்றும் மன்னிப்புக் கேட்கவிட்டால் தக் லைஃப் திரைப்படத்தை வெளியிடாமல் தடை செய்வோம் என்கிறார்கள் கன்னடர்கள்.

இருப்பினும், மன்னிப்புக் கேட்க முடியாது என கமல்ஹாசன் அவர்கள் கூறியிருக்கிறார். அவருக்கு தமிழக வாழ்வுரிமைக் கட்சி மனமார்ந்த பாராட்டுகளையும், வாழ்த்துகளையும் கூறிக்கொள்கிறது. அதே நேரத்தில், இவ்விவகாரத்தில் கமல்ஹாசன் அவர்கள் தனது நிலைப்பாட்டில் உறுதியாக இருக்க வேண்டும். தமிழர்கள் இருக்கிறார்கள்: உங்களை கைவிட மாட்டார்கள்.கர்நாடகத்தில் கமல்ஹாசன் அவர்கள் நடித்த தக் லைஃப் திரைப்படம் வெளியிட அனுமதிக்காவிட்டால், தமிழ்நாட்டிலும் ஒரு கன்னடம் திரைப்படம் கூட வெளியிட முடியாது என தமிழக வாழ்வுரிமைக் கட்சி எச்சரிக்கை விடுக்கிறது என்று தெரிவிக்கப்பட்டுள்ளது.