டாக்டர் எஸ் நாகேந்திர பூபதி. இதயவியல் பேராசிரியர். முதுநிலை இதய ஊடுருவல் சிகிச்சை நிபுணர். தலைமை கட்டமைப்பு இதய நோய் சிகிச்சை நிபுணர், ஸ்ரீ ராமச்சந்திரா மருத்துவ மையம் சென்னை

இதய வால்வு பாதிப்பு பிரச்சனை என்பது பெரும்பாலும் அவை தீவிரமாகும் வரை யாருக்கும் தெரிவதில்லை குழந்தை பருவத்தில் ஏற்பட்ட தொற்று நோய்கள் மற்றும் வயது மூப்பு காரணமாக இந்தியாவில் பல லட்சக்கணக்கானோர் இதனால் பாதிக்கப்பட்டு உள்ளனர். இதில் ஒரு ஆறுதல் அளிக்கும் நல்ல செய்தி என்னவென்றால் இதய வால்வு பாதிப்புகளை பெரும்பாலும் முன்கூட்டியே தடுக்க முடியும் என்பது தான். அது எப்படி தடுக்க முடியும் என்று அனைவரும் கட்டாயம் அறிந்து கொள்ள வேண்டும். இதய வால்வு பாதிப்புகளில் இருந்து நம்மை பாதுகாத்துக் கொள்வது குறித்து கீழே காணலாம்.

1. ஆரம்ப கால எச்சரிக்கை அறிகுறிகளை அறிந்து கொள்வது அவசியம்

இதய வால்வு பிரச்சினைகள் உடனடியாக நமக்குத் தெரிந்து விடாது. பாதிப்புகள் மிக அரிதாக தான் தெரிய வரும். எனவே முன்கூட்டியே அதன் அறிகுறிகளை நாம் அறிந்து கொண்டால் பாதிப்புகளில் இருந்து தப்பித்துக் கொள்ளலாம்.

2. அன்றாட செயல்பாட்டின் போது விவரிக்க முடியாத சோர்வு, மூச்சுத் திணறல், கால்கள் வீக்கம் கணுக்கால் வீக்கம், தலைச்சுற்றல் மார்பில் படபடப்பு உணர்வு ஆகியவற்றை அலட்சியம் செய்யக்கூடாது. இந்த அறிகுறிகள் மன அழுத்தம் அல்லது வயது மூப்பு காரணமாக ஏற்பட்டதாக நினைத்து நிராகரித்து விடக்கூடாது

3. ஒவ்வொரு ஆண்டும் இதய பரிசோதனை செய்ய வேண்டும்

ஆண்டுக்கு ஒரு முறை செய்யும் அடிப்படை மருத்துவ பரிசோதனை அல்லது ஒரு ஸ்டெதாஸ்கோப் பரிசோதனை கூட அசாதாரண மாறுபட்ட இதய ஒலியைக் கண்டறியலாம். இதய நோயின் குடும்ப வரலாற்றைக் கொண்ட அனைவரும் ஒரு மருத்துவரை ஆண்டுதோறும் சந்தித்து ஆலோசனை பெறுவது அவசியம்.

4. மார்பில் ஒரு விதமான அழுத்த உணர்வு ஏற்பட்டால் என்ன பரிசோதனை செய்ய வேண்டும்?

ECG கண்டிப்பாக செய்ய வேண்டும். Echo (எக்கோ கார்டியோகிராம் ) என்பது இதயத்தின் எளிய, வலியற்ற அல்ட்ராசவுண்ட் பரிசோதனை ஆகும். வால்வு பாதிப்பை முன்கூட்டியே கண்டறிவதற்கான மிகவும் நம்பகமான வழி ஆகும். விவரிக்க முடியாத மூச்சுத் திணறல், சோர்வு அல்லது நெஞ்சு வலி ஏதேனும் இருந்தால், இந்த பரிசோதனையைக் செய்து கொள்வது மிக மிக அவசியம் ஆகும். 

5. நோய்களை முன்கூட்டியே அறியக்கூடிய ஸ்கிரீனிங் வழிகாட்டுதல் பரிசோதனைகளை வயதுக்கு ஏற்றபடி செய்து கொள்ள வேண்டும்

நோய் பாதிப்புகள் வயதுக்கு வயது மாறுபடுகிறது. 10-40 வயதுடையவர்கள் தொண்டை நோய்த் தொற்றுகளை உடனடியாகக் கவனிக்க வேண்டும் இதயப் பரிசோதனையைக் கருத்தில் கொள்ள வேண்டும்.

40-60 வயதுடைய பெரியவர்கள் சோர்வு மற்றும் சுவாச கோளாறுகளுக்கு கவனம் செலுத்த வேண்டும். குறிப்பாக இது போன்ற பரம்பரை நோய் பாதிப்புகள் உள்ளவர்கள் தீவிர கவனம் செலுத்த வேண்டும்.

60 வயதுக்கு மேற்பட்டவருக்கு முச்சு திணறல் ஏற்பட்டால் வால்வு பிரச்சனையான பெருநாடி ஸ்டெனோசிஸ் (aortic stenosis) பரிசோதனை செய்யவேண்டும்.

6. உடல்சோர்வை வெறும் மன அழுத்தம் அல்லது வயது காரணம் என்று அலட்சியப்படுத்த வேண்டாம்.

சோர்வு என்பது இதய பாதிப்பின் அறிகுறியாகும். ஆனால் வெகு சிலரே இந்த சோர்வு குறித்து விழிப்பாக உள்ளனர். பலரும் இதை சாதாரணமாக நினைத்து நிராகரித்து விடுகின்றனர். சேதமடைந்த வால்வு வழியாக இதயம் திறமையாக பம்ப் செய்ய சிரமப்படுவதற்கான ஆரம்ப அறிகுறிகளில் இந்த சோர்வும் மற்றும் முச்சு திணறல் இருக்கலாம். விவரிக்க முடியாத சோர்வு தொடர்ந்து வார கணக்கில் அல்லது மாத கணக்கில் நீடித்தால் உடனடியாக மருத்துவரிடம் ஆலோசனை பெறுவது அவசியம் ஆகும்.

7. இரத்த அழுத்தத்தை தொடர்ந்து கண்காணிக்க வேண்டும்.

தொடர்ந்து உயர் இரத்த அழுத்தம் இதயத்தை தை ஒவ்வொரு துடிப்பிலும் கடினமாக உழைக்க கட்டாயப்படுத்துகிறது, காலப்போக்கில் வால்வுகளில் பெரும் அழுத்தத்தை ஏற்படுத்துகிறது. இது வால்வு தேய்மானத்தை வேகப்படுத்துகிறது. வால்வில் கசிவு அல்லது விறைப்பு ஏற்படும் அபாயத்தை அதிகரிக்கிறது. வீட்டிலேயே இரத்த அழுத்தத்தைக் கண்காணித்து, அதை ஆரோக்கியமான வரம்பிற்குள் வைத்திருப்பது வால்வு ஆரோக்கியத்தை நீண்ட காலத்திற்குப் பாதுகாப்பதற்கான எளிய வழிகளில் ஒன்றாகும்.

8. நீரிழிவு நோயை தீவிரமாக நிர்வகிக்க வேண்டும்.

படிவுகளை கட்டுப்படுத்தப்படாத இரத்த நீரிழிவு நோய் இரத்த நாளங்களை சேதப்படுத்துகிறது மற்றும் இதய வால்வுகளின் கால்சிய துரிதப்படுத்துகிறது. நீரிழிவு நோயால் பாதிக்கப்பட்டவர்கள் மற்ற மக்களை விட முன்னதாகவே வால்வு நோய் பாதிப்பு ஏற்படும் அபாயத்தில் உள்ளனர். உணவு. மருந்து மற்றும் வழக்கமான கண்காணிப்பு மூலம் இரத்த சர்க்கரை அளவை நிலையாக வைத்திருப்பது இதயத்தை நேரடியாகப் பாதுகாக்கும்

9. நவீன சிகிச்சை வழிமுறைகளை புரிந்து கொள்ள வேண்டும்.

இதய வால்வு நோய் குறித்து அறிந்து கொள்வது எளிதானது. இதய வால்வு பழுது மற்றும் அதை மாற்றும் சிகிச்சை கணிசமாக மேம்பட்டுள்ளது. வயதான அல்லது அதிக ஆபத்தான நோயாளிகளுக்கு, டிஏவிஆர் (TAVR/TAVI) போன்ற டிரான்ஸ்கதிட்டர் மூலம் பைபாஸ் இதய அறுவை சிகிச்சை இல்லாமல் ஒரு சிறிய குழாய் மூலம் வால்வை மாற்ற முடியும். இந்தியாவில் தயாரிக்கப்பட்ட வால்வுகள் இந்த சிகிச்சைகளை முன்பை விட அணுகக்கூடியதாகவும் மலிவு விலையிலும் கிடைக்கின்றன.

10. இரத்தத்தில் சர்க்கரையை சரியான அளவில் வைத்துக்கொள்வது, ரத்தக் கொதிப்புக்கு மாத்திரை உட்கொண்டு ரத்தக் கொதிப்பு அளவை கட்டுக்கோப்பில் வைத்துக் கொள்வது, கெட்ட கொழுப்பை அவரவருக்கு ஏற்றாற்போல் (நோய்தன்மைக்கு ஏற்றாற்போல்) குறைத்துக்கொள்வது, குறைவான இனிப்பு, குறைவான கொழுப்பு மற்றும் நிறைய புரோட்டீன் கொண்ட உணவுகளை உட்கொள்வது, ஏழாயிரத்திலிருந்து எட்டாயிரம் ஸ்டெப்ஸ் (steps) ஒரு நாளுக்கு நடைபயிற்சி மேற்கொள்ளுதல், ஏழு மணி நேரம் தூங்குதல், காய்கறிகள், பழங்கள் அதிகமாக உட்கொள்வது, மனஉளைச்சல் ஸ்ட்ரெஸ் (stress) எடுத்துக் கொண்டு உடம்பு மற்றும் மன அழுத்தத்தை அதிகப்படுத்தாமல் இருப்பது, சிகரெட் பிடிக்காமல் இருப்பது, குடிபழக்கத்தை முற்றிலும் தவிர்ப்பது அல்லது குறைத்துக் கொள்வது ஆகியன நமது உடம்பை நல்ல முறையில் வைத்து கொள்வதற்கு உதவும்.

இந்தியா முழுவதும் சுகாதார விழிப்புணர்வு மாதங்கள் அனுசரிக்கப்படுகின்றன. அதேபோல் இலவச இதய பரிசோதனை முகாம்கள் நடத்தப்படுகின்றன. இந்த வாய்ப்பை யாரும் தவற விடக்கூடாது பயன்படுத்திக் கொள்ள வேண்டும் குறிப்பாக கிராமப்புற மக்கள் இந்த பரிசோதனை முகாம்களுக்கு ஆர்வமுடன் சென்று தங்களை பரிசோதித்துக் கொள்வது நல்லது. இதன் மூலம் இதய வால்வு பாதிப்பு பிரச்சினைகளை முன்கூட்டியே கண்டறிந்து உரிய சிகிச்சை பெற்று நம்மை பாதுகாத்துக் கொள்ள முடியும்.